Yehi hai raasta ?

Ek sadak par jaa raha tha,
do raaste aaye,
maine ek apnaya,
laga ki shayad galat hai,
phir bhi chalta raha,
laga ki kuchh galat hai,
phir bhi chalta raha,
laga ki waapis chalun,
phir bhi chalta raha,
chalta raha,
chalta raha..
raasta aasan tha,
bahut aasan lag raha tha,
laga ki shayad thik hi hai,
jo kabhi dil ki tamanna thi wo poori hui,
laga bilkul thi hai,
ek din ruka,
peechhe dekha,
bahut door aa gaya tha,
apne se sach bola,
shayad abhi bhi dil ghabra raha tha,
yahan kuchh sahi nahin hai,
shayad rasta sahi nahin hai,
laga zyada der nahin hui hai,
wapis muda,
chala,
phir laga bahut door aa gaya hun,
phir se mudkar usi raste pe chalne laga,
phir dil dhadka,
phir muda,
phir muda,
phir dil dhadka,
phir muda,
phir muda.
phir dil dhadka,
zameen par baith gaya....
ruk gaya..
Socha..
maana..
ki galat raasta chuna tha..
dil halka hua..
thoda shaant hua...
laga ki isi raaste pe chalkar aage jo sahi raasta ayega,
udhar chale jaaunga...
Utha,
Age bada..
thoda aur aage bada..
phir do raaste aaye..
ab maine sahi chuna,
aasaan nahin..

Raasta mila,
Sach mila,
raaste pe meri yaatra jaari hai,
Kya yehi hai sahi rasta?