Kuchh pal bas aise aate hain..jahaan apne apko shaant pata hun..bilkul seedhe saadhe vichaar hote hain..duniya ki banavatipan, duniya ki bhag daur se door, bahut saral vichaar hote hain..man shaant hota hai..bas sacha aur seedha hota hun..
Kam aashayein, kam chaahatein aur bas zindagi ko jaise aye waise sweekar kar lena..bas lagta hai jo kuchh hai..jaisa hai..theek hai..na bahut achha..na bahut kharab...kabhi kabhi lagta hai ki bas zindagi bas chalti rahe..
Log humare hisaab to badal sakte nahin..naa hi paristhitiyaan..phir aisa kya hua jisse zindagi mein itna badlaav aa jaata hai? Phir zindagi aise kaise do teen hafton mein itni badal jaati hai jaise mahine purani baatein saalon pehle ki lagti hain ?...
Ajkal dheere dheere sochta hun..har kaam mein ek shaanti aur sampoornta lagti hai..lagta hai jaise bas is samay kaam karna hai..woh kar deta hun..befzool soch kar pareshan nahin hota..man mein kam matbhed, kam bechaini aur kam vichaar..jo hai..jaisa hai..waisa hi rahe..jo ho rah hai, chahe jaisa bhi lage, use bas hone do..samay to aakhir ek jaisa rehta nahin..to zaahir hai bahari khushiyan, dukh bhi ek jaise rahenge nahin..naa hi aas paas ke log, na hi paristhitiyaan..in sab mein badlaav aa raha hai, to wo to ayega hi...main to koi nahin hota in cheezon ko rokne waala..jo hai..theek hai..
Aaj se kuchh mahine pehle apne aapko dekhta hun shayad to yehi ek chhota sa badlaav hai..pehle main sochta tha aisa kyun ho raha hai ..kisliye ho raha hai..wagarah wagarah..par aaj shayad nazariye mein farak hai..cheezein wahin, parasthitiyaan wahi..par phir bhi sab kuchh naya hai..sab kuchh alag..
Aisa nahin hai ki aansu nahin ate aise waqt mein..aate hain..aur shaayad aate rahenge..par shayad aansu bechaini se nahin..ek tadpan se nahin..ek shaant man se aate hain..ye aansu sweekaar karte hue ate hain ki shayad cheezein utni achhi nahin..par man mein ek saral sa vichaar rehta hai..’ye samay bhj nikal jaayega’...duniya mein shayad kuchh bhi sthaai nahin hai..sab badalta hai..samay,log,paristhitiyaan aur hum..aur in chizon mein khushi dhoondna, in chizon mein apne pareshaniyon, khushiyon ko dhoondna hi galat hai..jab ye cheezein badlengi, toh humari khushiya, pareshaniyaan sab badlengi..aaj agar khush aur shaant hun toh isliye ki man ko shaant kara hai..use saaf aur seedha rakha hai..saral rakha hai..khud ko badla hai..aur shayad ek itne chhote prayaas se..kuchh bhi nahin badla..par sab kuchh badal gaya hai..!
Comments welcome..!
BRCA: Institute of Indian Technology
4 months ago
2 comments:
Hey!!!!
ye attitude, ye soch, ye nazariya.. ek dum sahi hai...
ye mere sath aksar hota aaya hai.. cheezon ke kaaran dhoondhna, ye kyun hua, kisi insaan ne aisa mere sath kiya to kyun kiya.. ultimately aage to badhna hi padhta hai.. par usi waqt cheezon ko accept kar lo, to cheezein simplify ho jati hain..
Ankur,I loved the last para of this blog..
ye aansu sweekaar karte hue ate hain ki shayad cheezein utni achhi nahin..par man mein ek saral sa vichaar rehta hai..’ye samay bhi nikal jaayega’..
Yes, this is true!!
You know i do realize this, n honestly, I have implemented the same at times.. but this kinda attitude has never been permanent, i come back to the old analytical mind.. finding reasons n blaming factors responsible for things..
Well, ye blog padh ke achchha laga.. dheere dheere hi sahi, cheezein jaisi hain, unhe accept karne ki aadat aa hi jayegi..simplicity lifestyle me hai, thoughts me bhi aa hi jayegi.. :-)
I again say..dude search for joy in watvr u do and happiness wd automatically cm after that...
waise nicely written...
Post a Comment